एसियाली विकास बैङ्क (एडीबी)ले कोरोना भाइरसबाट प्रभावित यसका सदस्य राष्ट्रलाई त्यसबाट सिर्जित समस्या समाधान गर्न ६.५ अर्ब डलरको प्याकेज सहायता घोषणा गरेको छ । विश्वव्यापी महामारीका रूपमा फैलिरहेको कोरोना भाइरसको सङ्क्रमणसँग जुध्न र सदस्य राष्ट्रको अर्थतन्त्रलाई सुरक्षित राख्न सहायता उपलब्ध गराइने एडीबीले जनाएको छ ।
एडीबीले परिस्थिति अनुसार यस्तो सहायता बढाउन सकिने पनि उल्लेख गरेको छ । एडीबीले यसअघि कोरोना भाइरसको पहिचान भएलगत्तै २२ करोड ५० लाख डलरको सहायता घोषणा गरेको थियो । त्यसयता विभिन्न चरणमा गरेर एडीबीले सो बराबरको सहायता उपलब्ध गराएको हो । रासस
