आजदेखि काठमाडौँ उपत्यकाका विभिन्न स्थानमा मेलम्चीको पानी वितरण सुरु गरिएको छ ।
काठमाडौँ उपत्यका खानेपानी लिमिटेड के यु के एल का निर्देशक मिलन शाक्य, काठमाडौँ खानेपानी व्यवस्थापन बोर्डका कार्यकारी निर्देशक सञ्जीव विक्रम राणा, महांकाल चौर शाखा प्रमुख उमेश मरहट्ठा र खानेपानी सञ्चालन विभागका प्रमुख सतिश दत्तले एकै साथ चाबी खोलेर भण्डारण गरिएको पानी वितरण प्रणालीमा पठाइएको हो ।
सुरुमा अनामनगर, चाबहिल, मित्रपार्क, बत्तिस पुतली, सरस्वती, मैजुबहाल, एयरपोर्ट, जय बागेश्वरी क्षेत्रका करिब २ लाख धारामा खानेपानी वितरण शुरु गरिएको मेलम्ची खानेपानी आयोजनाले जनाएको छ ।
