नेपाल प्रहरीको प्राविधिकतर्फको एआइजीमा डा. आशा सिंहको बढुवा सिफारिश भएको छ । सोमबार बसेको बढुवा समितिको बैठकले उनको बढुवा सिफारिश गरेको हो ।
प्रहरी प्रधान कार्यालयले सूचना जारी गरी बढुवा सिफारिशको जानकारी दिएको हो । नेपाल प्रहरी अस्पताल महाराजगंज, काठमाडौंमा दरबन्दी भएकी सिंहले ७४.७२३७ अंक प्राप्त गरेकी थिइन् ।
सिंह मधेशी समुदायबाट प्रहरीको एआइजी पदमा पुग्ने पहिलो महिला बन्नेछिन् । -रासस
