भारतमा कोरोना भाइरसबाट एकैदिन सङ्क्रमित भएकाहरुको सङ्ख्या करिब साढे तीन लाख पुगेको छ । । पछिल्लो २४ घण्टामा भारतमा तीन लाख ४७ हजार ७८६ जना सङ्क्रमित भएका हुन् ।
पछिल्लो चौबीस घण्टामा पहिचान गरएको संक्रमित महामारी सुरु भएदेखिकै सवैभन्दा धेरै भएको अधिकारीहरुले जनाएका छन् । केन्द्रीय स्वास्थ्य मन्त्रालयका अधिकारीहरुले पछिल्लो एक दिनमा दुई हजार ६२४ जनाको मृत्यु भएको जनाएका छन् ।
भारतमा कोरोना भाइरसबाट हालसम्म एक लाख ८९ हजार ५४४ जनाको मृत्यु भएको छ भने एक करोड ६६ लाख १० हजार ४८१ जना कोरोना भाइरसबाट सङ्क्रमित भएका छन् ।
हाल २५ लाख ५२ हजार ९४० जनामा भाइरसको सङक्रमण सक्रिय अवस्थामा रहेको छ ।
हालसम्म एक करोड ३८ लाख ६७ हजार ९९७ जना सङ्क्रमणमुक्त भइसकेका छन् । ती मध्ये दुई लाख १९ हजार ८३८ जना पछिल्लो एक दिनमा सङ्क्रमणमुक्त भएका हुन् । -रासस/एएफपी
