भारतमा गएको चौबीस घण्टामा कोरोनाभाइरसका ३८ हजार ७९ जना सङ्क्रमित थपिएका छन् । भारतमा हाल चार लाख २४ हजार २५ जना सक्रिय सङ्क्रमित छन् ।
भारतीय सञ्चारमाध्यमहरुका अनुसार थपिएका सङ्क्रमितसँगै भारतमा कोरोनाका कुल सङ्क्रमित तीन करोड १० लाख ६४ हजार ९०८ पुगेको छ । गएको चौबीस घण्टामा ५६० जना सङ्क्रमितको मृत्यु भएको छ । भारतमा हालसम्म कोरोना सङ्क्रमणबाट चार लाख १३ हजार ९१ जनाको मृत्यु भएको छ ।
गएको चौबीस घण्टामा ४३ हजार ९१६ जना सङ्क्रमित कोरोनामुक्त भएका छन् । हालसम्म तीन करोड दुई लाख २७ हजार ७९२ जना सङ्क्रमित निको भएका छन् ।
भारतमा हालसम्म ३९ करोड ९६ लाख ९५ हजार ८७९ डोज खोप लगाइएको छ । गएको चौबीस घण्टामा ४२ लाख १२ हजार ५५७ डोज खोप लगाइएको छ ।
