सिताराम कट्टेल ‘धुर्मुस’ र कुञ्जना घिमिरे ‘सुन्तली’द्वारा निर्माण गरिएको फिल्म ‘सेन्टी भाइरस’को पहिलो गीत सार्वजनिक गरिएको छ।
बिहीबार काठमाडौंमा एक कार्यक्रमकाबीच फिल्ममा समावेस ‘फनफनी’बोलको गीत सार्वजनिक गरिएको हो।
गीतमा डिपी खनालको शब्द, शंकर थापा ‘स्माइल’को संगीत तथा मेलिना राई र कालिप्रसाद बाँस्कोटाको स्वर सुन्न सकिन्छ।
गीतको भिडियोमा मोडल अन्जली अधिकारी र दयाहाङ राईका साथमा सिताराम कट्टेल, कुञ्जना घिमिरे, विल्सनविक्रम राई, बुद्धि तामाङ, राजाराम पौडेल, कमलमणी नेपाललगायत कलाकारले ठुम्का लगाएको छ।
शंकर बिसीको कोरियोग्राफी रहेको गीतको भिडियोलाई शैलेन्द्र डी. कार्कीले खिचेका हुन्।
कुमार कट्टेर र दिपक आचार्यको संयुक्त लेखन रहेको फिल्मलाई रामबाबु गुरुङले निर्देशन गरेका हुन्।
सामाजिक कथावस्तुमा रहेर हास्य विधामा तयार फिल्ममा डिन्डु लामा ह्योल्मोको लगानी रहेको छ।
फिल्म आउँदो फागुन ९ गतेबाट प्रदर्शनमा आउने छ।
गीतको भिडियो
