सार्वजनिक सेवा प्रसारण संस्थाको कार्यकारी अध्यक्षमा डा. महेन्द्र विष्ट नियुक्त हुनुभएको छ।
गत शुक्रबार बसेको मन्त्रीपरिषदको बैठकले डा विष्टलाई कार्यकारी अध्यक्षमा नियुक्त गर्ने निर्णय गरेको थियो ।
नेपाल टेलिभिजन र रेडियो नेपाललाई सरकारले एउटै व्यवस्थापनबाट संचालन गर्ने गरी केही महिना अघि मात्र सार्वजनिक सेवा प्रसारण ऐन ल्याएको थियो । सोहि ऐन अनुसार सार्वजनिक सेवा प्रसारण संस्थाको कार्यकारी अध्यक्षमा विष्टलाई नियुक्ति हुनु भएको हो ।
अध्यक्ष डा महेन्द्र विष्टले पद तथा गोपनियताको सपथ लिनु भएको छ । विष्टले सोमवार संचार तथा सूचना प्रविधि मन्त्रालयमा सार्वजनिक सेवा प्रसारण परिषदका अध्यक्ष एवम संचार तथा सूचना प्रविधि मन्त्री पृथ्वी सुब्बा गुरुङ समक्ष पद तथा गोपनियताको सपथ लिनु भएको हो ।
डा विष्ट यसअघि नेपाल टेलिभिजनका कार्यकारी अध्यक्ष हुनुहुन्थ्यो ।
